Өөреникчилерниң бөгүнгү хүндүлуг аалчылары.

Өөреникчилерниң бөгүнгү хүндүлуг аалчылары.

Бай-Тайга кожууннуң В.Б.Кара-Сал аттыг Тээли ортумак болгаш Хемчик школалаларынга бөгүн, февраль 15-тиң хүнүнде, Афганистан девискээринден совет шериглерни үндүргенинден бээр 34 чылынга тураскааткан хемчеглер болуп эрткен. Аңаа афган, чечен дайынынга, амгы үеде УкраинадаПоказать ещё тускайлаттынган шериг операциязынга дайынчы албан хүлээлгезин күүседип чораан маадырларның боттары-биле ужуражылгалар кончуг солун болуп эрткен. Өөреникчилер маадырлардан сонуургаан айтырыгларын салып, кандыг кижи ёзулуг маадыр болу бээрин, төрээн чуртун чуге камгалаарыл, ёзулуг эр кижи кандыг болурул дээн ышкаш айтырыгларга харыыларны билип алганнар. Хүндүлүг маадырлар боттарының чурттап эрткен амыдыралындан аңгыда, эки өөренирин, спорт-биле өңнүктежип чоруурун база аразында быжыг найыралдыг болурун чагып, үнелиг арга-сүмелерни бергеннер.

Маадырлар Бай-Тайга кожууннуң чурттакчылары: Афган дайынының хоочуну - Иргит Байлан-оол Очурович, Чечен дайынының хоочуннары: Аймаа Айдын Доржуевич, Делег-оол Роберт Анатольевич, Чечен дайының киржикчизи, Украинада тускайлаттынган шериг операциязының киржикчизи-Чуглур Артыш Хертекович база Украинада тускайлаттынган шериг операциязының киржикчизи- Хертек Аяскан Сергеевич.