Наадым чүгле байыр-найыр, оюн-тоглаа эвес, тыва чоннуң ук-дөзүнден-не ёзу-чаңчылдарын, мөзү-бүдүжүнүң шынарын, күш-шыдалдыын база эрес-кашпагайын сиңирген байырлал. Наадымның хемчеглери чылдан чылче янзы-бүрү.

Наадым чүгле байыр-найыр, оюн-тоглаа эвес, тыва чоннуң ук-дөзүнден-не ёзу-чаңчылдарын, мөзү-бүдүжүнүң шынарын, күш-шыдалдыын база эрес-кашпагайын сиңирген байырлал. Наадымның хемчеглери чылдан чылче янзы-бүрү, улам ханы утка-шынарлыг апар чыдар.

Тыва Республиканың улустуң хөөмейжизи Андрей Монгуш Наадымның болгаш Тыва Республика хүнүнүң байырлыг ажыдыышкыны бир тускай чараш эрткенин демдеглээн:

- Тываның Баштыңы Владислав Товарищтайович Ховалыг культура ажылдакчыларын демнештирипкенинге өөрүп тур мен.

Бистиң чер-чуртувустуң, чонувустуң хей-аъды культурада болуп турар. Культуравыс кайы-хире бедик болурул, арат чонувустуң корум-чуруму, иштики сагыш-сеткили ол хире бедик болур. Шаг-ла мынчаар шынарлыг байдал-биле байырлалывысты уткуп, эгелеп алырывыска Тывавыстың сайзыралы улам-на күштелир, чонувустуң сүлде сүзүү көдүрлүр!