Тывавыстың база бир патриотчу оглу, Юнармия шимчээшкиниң удуртукчузу Айдын Шивидек чогааткан шүлүк түрлүгдыр

Тывавыстың база бир патриотчу оглу, «Юнармия» шимчээшкиниң удуртукчузу Айдын Шивидек чогааткан шүлүк түрлүг–дыр

Кара черниң казыргызы

Кавыннадыр таварза-даа,

Дүжүп бербейн өрү чүткээн

Күлтегин дег эрес-тир сен.

Делегейде сеңээ эң чоок

Хеймер дуңмаң даянгыыжы,

Ачазының орнун солаан

Ачылыг-ла акызы сен.

Өргүн көвей кадеттерниң

Өөрүшкүзү, баштаңчызы,

Эзир сүрлүг, көрүш ырак

Эктиң бедик экер-дир сен.

Аваң, ачаң чораан болза

Аажок өөрүп чоруур ийик.

Деңгеринче шайын чажып

Кежик дилеп йөрээр ийик.

Амдыы бөгүн карак кызыл

Арыг-шынчы сеткилиңден,

Чонувус дээш, чуртувус дээш,

Чоргаар базып чоруп ор сен.