Ачылыг деп буян долган сөстен уктаан

«Ачылыг» деп буян долган сөстен уктаан

«Ачыты» деп атты шуут-ла бадыткап каан,

Ачы-буян, дузаңарны чүреккейден

Арбын чонга үлештирип чоруур-дур сен.

Ада-чуртка ынакшылдың, чоргааралдың

Арыг чараш үлегери, бодаралы.

Ада-иең ыдык черге чаяап кааны

Аңгыр куш дег өткүт үнүң чаңгыланды.

Үлеп ханмас, төрээн черге хандыкшылың,

Улус чонну хаара тудар сорунзаңны

Үстүү дээрде Бурганнардан чаяалгаңны

Улуг-биче дөгерези магадады.

Ам-даа улай тура дүшпейн, тиилелгеже

Арат чоннуң күжүн мөөңнеп демнештир-ле.

Ажы-төлдү, келир өйнүң салгалдарын

Акызы дег айтып-сургап, ам-даа чагы!

Шүлүктүң автору: Chechena Mongush